Buddha's descent from Good realms Day is...

Buddha's descent from Good realms Day is tomorrow.ལྷ་བབ་དུས་ཆེན།
འདིར་བཞུགས་གྲོགས་པོ་ཡོངས་ཀྱི་སྙན་ལམ་དུ་ཞུ་རྒྱུར། སང་ཉིན་ནི་རྣམ་དཀར་གྱི་ཉིན་མོ་ཞིག་རེད་ཅེས་བརྗོད་ཆོག གང་ཞེ་ན། དགུ་བའི་ཉེར་གཉིས་ཏེ་ལྷ་བབས་དུས་ཆེན་རེད། དགུ་བ་ཞེས་པ་བོད་ཟླ་དགུ་པར་གོ་དགོས་པ་དང༌། ལྷ་བབས་ཞེས་པ་ལྷ་ཡུལ་ནས་བབས་པའི་དོན་ལ་གོ་དགོས་ཀྱི་
ཡོད། འོ་ན། སུ་ཞིག་ལྷ་ཡུལ་ནས་མི་ཡུལ་ལ་བབས་པ་རེད་ཞེ་ན། བདག་ཅག་གི་སྟོན་པ་ཤཱཀྱ་ཐུབ་པའི་རྣམ་ཐར་དུ་མཛད་པ་བཅུ་གཉིས་
ཟེར་བ་ཞིག་གླེང་གི་ཡོད་པ་དེའི་གྲས་ཀྱི་གཅིག་ཡིན། དེ་ཡང༌སྔོན་བདག་ཅག་གི་སྟོན་པ་ཤཱཀྱ་ཐུབ་ པའི་ཡུམ་སྒྱུ་འཕྲུལ་ལྷ་མོ་སྐུ་མྱ་ངན་ལས་
འདས་ནས་ལྷ་ཡུལ་དུ་སྐྱེ་བ་བཞེས་ཡོད་པའི་སྐབས་སུ་ཡུམ་གྱི་སྐུ་དྲིན་གསོ་བའི་ཆེད་དུ། སྟོན་པ་ཤཱཀྱ་ཐུབ་པ་ལྷ་ཡུལ་དུ་ཕེབས་ཏེ་ཡུམ་དང་
ལྷ་ཡི་ཚོགས་མང་པོ་ལ་ཆོས་གསུངས་ནསབཞུགས་ཡོད་པའི་སྐབས་རྒྱ་གར་ཡུལ་དབུས་ཀྱི་རྒྱལ་པོ་ གསལ་རྒྱལ་གྱིས་སྟོན་པ་ཤིན་ཏུ་དྲན་པས། སྟོན་པའི་ཐུགས་སྲས་མོའུ་འགལ་གྱི་བུ་བརྒྱུད་ནས། སྟོན་པ་སླར་མི་ཡུལ་དུ་ཕེབས་པར་གསོལ་བ་ཤུགས་དྲག་བཏབས་པའི་ཚེ། སྟོན་པ་བཅོམ་ལྡན་འདས་ལྷའི་འཁོར་ཚོགས་དང་བཅས་པ་རྫུ་འཕྲུལ་གྱི་སྐས་ལ་འཛེགས་ནས་མི་ཡུལ་འདིར་ཕེབས་པ་རེད། དུས་ཚོད་དེ་ནི་བོད་རྩིས་ཀྱི་ཟླ་དགུ་པའི་ཚེས་ཉི་ཤུ་གཉིས་ཉིན་ལ་འཁེལ་ཡོད། རྗེས་སུ་རྒྱ་གར་གྱི་ནང་བ་རྣམས་ཀྱིས་དུས་ཚོད་དེ་ནི་དུས་ཚོད་གཞན་དང་མི་འདྲ་བ་ཞིག་ལ་ངོས་འཛིན་བྱས་ནས་ལྷ་ ལས་བབས་པའི་དུས་ཆེན་འདི་སྲུང་བརྩི་ཞུ་སྲོལ་བྱུང་བ་དང་། བོད་ལ་ཡང་ནང་པའི་བསྟན་པ་དར་བའི་རྗེས་སུ་བོད་ཀྱིས་མུ་མཐུད་དུས་ཆེན་དེ་སྲུང་བརྩི་བྱས་དང་བྱེད་ཀྱིན་ཡོད། བོད་ཁམས་
ཡོངས་ཀྱིས་དུས་ཚོད་འདི་ལ་དགུ་བའི་ལྷ་བབས་དུན་ཆེན་ནམ་ལྷ་བབས་དུས་ཆེན་ཞེས་འབོད་པ་དང་། དེ་བཞིན་དུ་སྲུང་བརྩི་ཡང་བྱས་དང་བྱེད་ཀྱིིན་ཡོད་པ་འདི་ལགས་སོ།།