Last messages and pics received from Nyatso...

Last messages and pics received from Nyatso monastery in Kardze Tawu, just before the self-immolation of one nun, yesterday at 5 PM local time. This message in Tibetan was informing about the great gathering of more then 3000 monks from 74 monasteries of all buddhist schools (Gelouk, Nyigma, Jonang, Sakya, Kagyu etc.) Also. Here is the digest of the teaching of very popular Sertha Master Tsultrim Lodoe. His teaching started at 2 PM local time and should be transmitted to his monastery just before the blocus on all internet and phones that followed the self-immolation. Since that time, the police started interrogations of all present population. It is unclear if the monastic gathering could continu, but it is clear that participants couldn't leave Tawu and communicate more informations, while we had almost à "direct transmission" by internet of this event, hour by hour, before the blocus opered by police. The situation of 3000 gathered monks is probably very difficult.
༈ འདྲ་མཉམ་བདུན་གྱི་བཀའ་སློབ་བདུད་རྩི་མ། ༼བརྒྱུད་འགོད༽
ཕྱི་ལོ་༢༠༡༣ ༦ ༡༡ལ་བླ་མ་ཚུལ་ཁྲིམས་བློ་གྲོས་མཆོག་ཁམས་རྟའུ་ཉིན་མཚོ་དགོན་ལ་བྱོན་ནས་འཇང་དགུན་ཆོས་ཐོག་ལ་ཕེབས་པའི་ས་དགེ་བཀའ་རྙིང་ཇོ་བོན་བཅས་གྲུབ་མཐའ་ཆེན་པོ་དྲུག་གི་བླ་གྲྭ་མཁན་སྤྲུལ་༣༠༠༠ལྷག་ཙམ་དང་ཁྱིམ་པ་གྲངས་མང་ཞིག་ལ་དུས་ཚོད་༢པའི་ཐོག་ཏུ་གནང་བའི་བཀའ་སློབ།
འོ་ལགས་སོ།། ཐུགས་རྗེ་ཆེ། དེང་རིང་འདི་ན་དགེ་ལུགས་པ་གཙོ་བོ་བྱས་ཏེ་ས་དགེ་བཀའ་རྙིང་ཇོ་བོན་དང་བཅས་པའི་དགོན་པ་༧༤ ཙམ་འཛོམས་ཡོད་ས་རེད་འདི་ལྟ་བུའི་གྲུབ་མཐའ་ཐམས་ཅད་ཀྱི་དགེ་འདུན་པ་རྣམས་ལྷན་དུ་འཛོམས་ཏེ་ཕན་ཚུན་འབྲེལ་འདྲིས་མཛད་པ་ཧ་ཅང་ཡག་པོ་རེད། ངས་ཀྱང་དེ་རིང་དུས་རབས་༢༡པའི་ཆོས་པའི་ཁ་ཕྱོགས་ངེས་དགོས་རྒྱུ་དེའི་སྐོར་ནས་ཅུང་ཟད་བཤད་རྒྱུ་ཡིན། དེ་གང་རེད་ཅེ་ན་དེང་སང་དུས་རབས་ཀྱང་དུས་རབས་ཉེར་གཅིག་པ་ཡིན་པ་བཞིན་དུ་ང་ཚོ་རབ་ཏུ་བྱུང་བ་རྣམས་ཀྱིས་ཀྱང་དུས་རབས་྄ཉེར་གཅིག་པའི་རྗེས་སུ་ཆོད་དགོས། དེས་ན་དུས་ཚོད་ཆེན་པོ་མི་འདུག་བས་ཁོ་བོས་ས་བཅད་ཙམ་དུ་བཞག་སྟེ་བཤད་པ་ཡིན་ན།
༡༽༼ལྟ་སྤྱོད་འདྲ་མཉམ་༽དགོས་པ་རེད། ང་ཚོ་ནང་པ་སངས་རྒྱས་པའི་ལྟ་བ་དེ་ལྟ་བ་བཀའ་བཏགས་ཀྱི་ཕྱག་རྒྱ་བཞི་རེད། ལྟ་བའི་ཐོག་ནས་སྔོན་ཐོན་རེད་ཟེར་ན་ཆོག་གི ལྟ་བ་དེ་ལ་ནོར་འཁྲུལ་མེད་པ་ང་རང་ལ་ཡིད་ཆེས་ཡོད། ཡིན་ན་ཡང་བྱ་སྤྱོད་ཀྱི་ཐོག་ནས་ཅུང་ཟད་འགྲོ་སྟངས་ཡག་པོ་མ་ཆགས་པ་འདི་དག་བསྒྱུར་བཅོས་གཏུགས་ཏེ་བྱ་བ་སྤྱོད་པ་འདི་དག་གི་རྒྱུན་ཤེས་ལྡན་པ་ཞིག་ཆགས་དགོས་པ་རེད།
༢༽༼གྲུབ་མཐའ་འདྲ་མཉམ་༽ཡོད་དགོས་པ་རེད། གྲུབ་མཐའ་འདྲ་མཉམ་ཡོད་ན་སྔོན་གྱི་ལོ་རྒྱུས་ལྟ་བུ་ཉམས་རྒུད་དེ་འདྲ་བ་ཞིག་བྱུང་བ་མ་རེད། གྲུབ་མཐའ་ལ་ཆགས་སྡང་མེད་པ་ཙམ་མ་ཡིན་པར་གྲུབ་མཐའ་རྣམས་ངའི་ཕྱོགས་དང་ཁྱེད་ཀྱི་ཕྱོགས་ཞེས་ཉེ་རིང་མེད་པ་ཞིག་ཡོད་དགོས་པ་རེད། དེའང་གྲུབ་མཐའི་གསུང་རབ་རྣམས་ཕན་ཚུན་ཚང་མས་སྦྱོང་བརྩོན་བྱེད་པ་ལས་བྱུང་ཡོང་བ་རེད། ང་རང་ཡིན་ན་་རྒྱ་བོད་ཀྱི་ས་ཆ་རྣམས་སུ་ཆོས་ཀྱི་གོ་བ་སྤྲད་དུས་ཐེངས་རེར་དགེ་ལུགས་ཀྱི་ཡིག་ཆ་ལམ་གཙོ་རྣམ་གསུམ་སོགས་གྲུབ་མཐའ་ཕྱོགས་སུ་མ་ཕྱེ་བར་ས་དགེ་བཀའ་རྙིང་གི་ཡིག་ཆའི་ཐོག་ནས་ཆོས་འབྲེལ་བཤད་ཀྱི་ཡོད། གཞན་གྱི་མདུན་ནས་ཡིག་ཆའི་ལུང་ཡང་མང་པོ་ཞུ་གི་ཡོད།
༣༽༼ཕོ་མོ་འདྲ་མཉམ་༽གྱི་ཕྱོགས་ནས་བཤད་ན་ང་ཚོ་བོད་ལ་རྒྱལ་ཁབ་གཞན་དག་གིས་ཕོ་མོ་གཉིས་ལ་ཁྱད་པར་ཕྱེས་ཏེ་རྡུང་སྡིག་དང་བཙན་གནོན་བྱས་པ་བཞིན་ཡོད་མ་རེད། ཡིན་ཡང་ཕོ་མོ་རྣམས་རིག་གནས་སྦྱོང་ས་ལ་ཁྱད་པར་མེད་པ་ཡོད་དགོས་པ་དང་། ལྷག་པར་སྐབས་འདིའི་བཤད་བྱ་ཇོ་མོ་དང་གྲྭ་པ་རྣམས་ལ་ཁྱད་མ་ཕྱེ་བར་གྲྭ་པ་རྣམས་པ་སློབ་སྦྱོང་བྱེད་སའི་ཆ་ཚད་ཅི་ཙམ་ཡོད་ན་ཇོ་མོ་དེ་དག་ལ་དེ་ལྟར་ཁོར་ཡུག་གཅིག་བསྐྲུན་དགོས་རེད། དེ་ལྟར་མ་བྱེད་ན་དེང་སང་དགོན་སྡེ་རེ་རེ་ལ་ཇོ་མོ་མང་པོ་ཡོད་པ་དེ་དག་ལ་རིག་གནས་གང་ཡང་མེད་ན་བོད་ཀྱི་མི་མང་པོ་ཞིག་ལ་རིག་གནས་མེད་པ་ཞིག་ཏུ་ཆགས་འགྲོ་བ་རེད།
༤༽༼ཉམས་ལེན་དང་ཐོས་བསམ་འདྲ་མཉམ་༽དགོས་པ་རེད། ༼རྩོད་དམིགས་ཀྱི་སློབ་གསོ་༽ལྟ་བུའི་ང་ཚོ་རབ་ཏུ་བྱུང་བ་ཞིག་ཡིན་ན་རྩོད་གཅིག་པུ་ལས་གཞན་མང་ཚོགས་ཀྱི་བདེ་སྡུག་དང་ཆོས་ཉམས་ལེན་དང་འདོད་ཆུང་ཆོག་ཤེས་དེང་གི་རིག་གནས་དག་ལ་སློབ་སྦྱོང་བྱེད་རྒྱུ་ཆེས་ཤིན་ཏུ་གལ་ཆེ་བ་རེད། དུས་རབས་འདིའི་རྗེས་ཆོད་དགོས་ན་རྩོད་པ་རྐྱང་པ་ཡིས་གཏན་ནས་རྗེས་ཆོད་པ་མ་རེད། རྩོད་པ་འདི་གལ་ཆེན་པོ་རེད། ཨེ་དགོས་ཟེར་ན་དགོས་ཀྱང་འདི་ཁོ་ན་ལ་མགོ་འཁོར་བ་ཡིན་ན་རང་གཞན་གྱི་བྱ་བ་རྒྱ་ཆེན་པོ་འགྲུབ་ཀྱི་མ་རེད། དེས་ན་ང་ཚོ་རབ་བྱུང་པ་རྣམས་ཀྱིས་ཉམས་ལེན་དང་ཐོས་བསམ་འདྲ་མཉམ་བྱེད་དགོས་པ་རེད།
༥༽༼ཚེ་སྲོག་ལ་འདྲ་མཉམ་༽དགོས་པ་རེད། འགའ་རེས་མི་ཡི་ཚེ་སྲོག་སྐྱོབ་པ་ལས་གཞན་གྱི་ཚེ་སྲོག་སྐྱོབ་དགོས་པ་མ་རེད་ཟེར་བ་རེད། དེ་འདྲའི་ལྟ་བ་དེ་ནང་པ་སངས་རྒྱས་པའི་ལྟ་བ་སེམས་ཅན་རྣམས་ཉེ་རིང་ཆགས་སྡང་མེད་པའི་བྱམས་དང་སྙིང་རྗེའི་ལྟ་བ་འགལ་བ་རེད། དེས་ན་ཚེ་སྲོག་ལ་འདྲ་མཉམ་དགོས་པ་རེད།
༦༽༼རིག་གནས་སྦྱོང་བ་འདྲ་མཉམ་༽དགོས་པ་རེད། ང་ཚོ་རབ་བྱུང་པས་གཞུང་བཀའ་པོད་ལྔ་སྦྱོང་དགོས་པ་སྨོས་མེད་རེད། དེའི་སྟེང་དུ་སྤྱི་ཚོགས་ཀྱི་གནས་བབས་དང་ཚན་རིག་འདི་དག་སྦྱོང་དགོས་པ་རེད། རང་བྱུང་འཁོར་ཡུག་གི་ཚན་རིག་སོགས་ཉེ་བར་མཁོ་བའི་ཚན་རིག་འདི་དག་སྦྱོང་དགོས་པ་རེད།
༧༽༼སློབ་གསོ་འདྲ་མཉམ་༽དགོས་པ་རེད། མང་ཚོགས་དང་རབ་བྱུང་གཉིས་ཀ་ལ་སློབ་གསོ་བཏང་ནས་ཡང་དག་པའི་ལམ་དུ་འཇོག་དགོས་པ་རེད། དེང་སང་མིག་གིས་མཐོང་ས་ནས་ཕན་པ་ཞིག་མ་སྒྲུབ་ན་ངས་ཁྱེད་ཅག་ལ་བསྔོ་བ་འདོན་གྱི་ཡོད།སྨོན་ལམ་རྒྱག་གི་ཡོད་ཅེས་བཤད་པ་ཙམ་གྱིས་མང་ཚོགས་ལ་ཡིད་ཆེས་སྐྱེ་ཐུབ་ཀྱི་མ་རེད། དེས་ན་མིག་མཐོང་ལག་ཟིན་གྱི་མང་ཚོགས་ལ་ཕན་པ་སྒྲུབ་དགོས་པ་རེད།ཅེས་གསུངས་སོ།།
སློབ་མ་སྨྱུག་གིས་ཟིན་བྲིས་ཕབ།
ཕབ་ནོར་སོང་ན་དགོངས་དག་ཞུ།
བརྒྱུད་སྐུར་བྱེད་པར་ཐུགས་རྗེ་ཆེ།
ཐད་ཀར་འགོད་པས་ཡིག་ནོར་སྲིད།